🚨 Emergencia - Kiko bo mester haci?
Durante ora di trabou, nos ta disponibel pa emergencia entre 07:00 – 18:00 via telefon na 5666326
Por fabor husa e number aki SOLAMENTE den caso di emergencia y NO si e liñanan ta druk, pa pidi remedi of traha un cita.
Yama 911 den caso di situacion cu ta peliger pa bida
No ta sigur? Yama si bo tin duda. Nos assistent lo puntra pregunta (Triage) pa evalua si bo mester wordo mira directamente of si nos mester jama 911
Pafo di e ora aki, bo por bai of tuma contacto cu e huisartsenpost
🏥Huisartsenpost HOH (Horacio Oduber Hospitaal)
📍Dr. Horacio E. Oduber Boulevard #1, Oranjestad, Aruba
📞 + 297 527 4000
🏥Huisartsenpost IMSAN (Instituto Medico San Nicolaas)
📍Pastoor Hendrikstraat 10, San Nicolas, Aruba
🕒Ora di Huisartsenpost:
•Dialuna te Diabierna: 18:00 – 22:00
•Diasabra y Diadomingo: 09:00 – 13:00 y 18:00 – 22:00
Ehempel di emergencia ora mester yama liña di emergencia
Curason: Dolor di pecho cu ta bai na brasa, cachete of lomba, hunto cu falta di rosea, gana di saca of mareo.
Pulmon: Rosea cortico of falta di rosea cu ta birando pio liher
Cerebro: Boca ta cay, papia straño, paralysis di brasa of pia, ataca di epilepsia.
Trauma: Herida grave, weso kibra, golpi na cabes cu confusion, sangramento of corta.
Barica: Dolor fuerte na bariga cu ta keda bira pio of problema di embaraso (sangra, perde awa di baby prome cu 37 siman)
Reaccion alergico: hincha di lenga/garganta, falta di aire despues di contacto cu e alergeno.
Mucha chikito malo: keintura halto cu confusion, señal di deshidratacion, falta di color, of ta bira shinishi/blauw.
Psikiatrico: Pensamento suicidal, confusion repentino of agresividad.
Medicamento: Intoxicacion/problema cu medicamento of droga: overdosis, efecto secundario severo.